Monday, May 7, 2012

മഴയത്ത് കത്തിപ്പോയത്

അവള്‍ക്കൊപ്പമിരുന്നപ്പോള്‍ മഴയ്ക്ക്
പ്രണയത്തിന്റെ താളം
അവന്റെ കൈ കോര്‍ത്തപ്പോള്‍
സൗഹ്ര്ദത്തിന്റെ ഗന്ധം

അവള്‍ പിരിഞ്ഞനാള്‍ പെയ്തപ്പോള്‍
കണ്ണീരിന്റെ കയ്പ്പ്
അവന്റെ കൈ കണ്ണീരു തുടച്ചപ്പോള്‍
സ്നേഹത്തിന്റെ നനവ്

... അന്നുരാത്രി
രാത്രിമഴയത്ത്
നാലുചുമരുമാത്രമുള്ള
അവന്റെ വീട്ടിലുറങ്ങിയപ്പോള്‍

അടുപ്പിലെ നനഞ്ഞ വെണ്ണീറില്‍ നിന്ന്
ഉമ്മയെടുത്തെറിഞ്ഞ തീക്കനല്‍
എന്റെ കാല്‍പ്പനികതയെ ബാഷ്പീകരിച്ചു.

"ഉളുപ്പില്ലാണ്ട് പാത്തട്ടെ; പടച്ചോന്‍
വരണ്ട പള്ളേലെ നീറ്റലിന്മേല്‍"

2 comments:

  1. അടുപ്പിലെ നനഞ്ഞ വെണ്ണീറില്‍ നിന്ന്
    ഉമ്മയെടുത്തെറിഞ്ഞ തീക്കനല്‍
    എന്റെ കാല്‍പ്പനികതയെ ബാഷ്പീകരിച്ചു.


    ആശംസകള്‍......

    ReplyDelete
  2. നന്ദി ജോബിയേട്ടാ...:)

    ReplyDelete

Link list